Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Ֆեոքրոմոցիտոմա
Որպես հիվանդություն ֆեոքրոմոցիտոման զարգանում է ևարտահայտվում մակերիկամների միջուկային նյութի քրոմաֆինային բջիջների հորմոնաակտիվ ուռուցքների հետևանքով։ Բարեբախտաբար հազվադեպ է հանդիպում, ախտորոշումը որոշակի դժվարություններ ունի, մանավանդ երեխաների մոտ։ Հիմնականում երեխաները գանգատվում են հոգնածությունից, շատ քրտնելուց, զանգվածի անկումից և տեսողության վատացումից։ Ախտահատուկ է սովորական հիպոտենզիվ դեղամիջոցներից չիջնող բարձր և կայուն հիպերտոնիան, գլխացավերը, մաշկի գունատությունը։ Ցանցենու փոփոխություններից խանգարվում է տեսողությունը։ Երեխաներին բնորոշ չեն հիպերտոնիայի կրիզները։ Վերջինս ցավոք հայտնաբերվում է ուշացումով և անարդյունավետ բուժումից հետո միայն։ Կարևոր ախտորոշիչ արժեք ունի տրոպաֆենով կատարվող փորձը, կատեխոլամինների և նրանց արգասիքների որոշումը, որոնց արտազատումը օրվա մեզով 20-50 մկգ-ի փոխարեն կարող է հասնել 400 մկգ-ի։ Խիստ արժեքավոր է օրվա մեզում ադրենալինի և նորադրենալինի քայքայման վերջնական նյութի՝ վանիլին մինդալաթթվի որոշումը։ Վերջինս ֆեոքրոմոցիտոմայի դեպքում կարող է ավելանալ 10-20 անգամ (նորմայում կազմում է 9 մգ)։ Կատեխոլամինները որոշելիս երեխան 2 օր չպետք է օգտագործի սեդատիվ դեղամիջոցներ, սուրճ, թեյ, շոկոլադ։ Եթե գերակշռում է նորադրենալինի պարունակությունը, ապա պետք է մտածել արտամակերիկամային ուռուցքի մասին։ Հիպերտոնիայի պատճառով հիստամինային փորձը չի կարելի կատարել, քանի որ վերջինիս նվազագույն դեղաչափերից հանկարծակի բարձրանում է արյան ճնշումը։ Եթե կան հաճախասրտությամբ ուղեկցվող հիպերտոնիայի կրիզներ, ապա ավելի հավանական է ադրենալինի ավելացումը։ Բավական դժվար է ֆեոքրոմոցիտոմայի, երիկամային ծագման հիպերտոնիայի և հիպերտոնիկ հիվանդության տարբերակումը։ Բուժումը վիրահատական է։ Տրոպաֆենի ներմուծումից հիպերտոնիայի կրիզները նկատելիորեն պակասում են։
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|