Գեմցիտաբին պարունակող քիմիաթերապիայի արդյունավետությունը թոքի ոչ մանրբջջային անվիրահատելի քաղցկեղի ժ
ետազոտության խնդիրը: Գնահատել գեմցիտաբին և պլատինի ածանցյալներ պարունակող (ցիսպլատին, կարբոպլատին) քիմիաթերապիայի արդյունավետությունը թոքի ոչ մանրբջջային տեղային տարածուն և դիսեմինացված քաղցկեղի դեպքում: Նյութը և մեթոդները: Հետազոտվել են 57 հիվանդներ թոքի ոչ մանրբջջային քաղցկեղի III-IV փուլերում: Հիվանդների միջին տարիքը կազմել է 53.8 տարեկան: Բոլոր հիվանդների ախտորոշումը հաստատվել է պաթոմորֆոլոգիական քննությամբ: Բուժման սխեման է. ցիսպլատին 65-70 մգ/մ2 ն/ե 1 օրում, կամ կարբոպլատին -AUC-5 ն/ե 1 օրում, գեմցիտաբին 1200 մգ/մ2 ն/ե 1 և 8 օրերում, 30րոպ. ինֆուզիայի կարգով: Կուրսերի միջև ընդմիջումը կազմել է 21-28 օր: Բուժման արդյունավետությունը գնահատվել է 2-4 կուրսերից հետո:
Արդյունքները: Անմիջական արդյունավետությունը գնահատվել է 43 հիվանդների մոտ: 14 հիվանդներ շարունակում են բուժումը: 3 հիվանդի մոտ (6.9%) գրանցվել է ուռուցքի լրիվ, իսկ 11-ի մոտ (25.5%)` մասնակի հետաճ: 26 հիվանդների մոտ բուժման արդյունքը գնահատվել է որպես հիվանդության կայունացում (60.46%),իսկ 3-ի մոտ (6.9%) բուժումը եղել է անարդյունք: Միջին անախտադարձ շրջանը կազմել է 7.2(2,3,4 ամիս: Բուժման ընդհանուր արդյունավետությունը կազմել է 32.4%: Դրական արդյունքով բոլոր հիվանդները ողջ են:
Եզրակացություն: Ստացված արդյունքները վկայում են գեմցիտաբին պարունակող քիմիաթերապիայի բավական բարձր արդյունավետության մասին թոքի ոչ մանրբջջային քաղցկեղի III-IV փուլերում` չափավոր կողմնակի երևույթներով:
|