Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Հիպոֆիզային գաճաճություն
Հիվանդությունը պայմանավորված է վաղ մանկական և մանկապատանեկան տարիքում հիպոֆիզի առաջնային բլթի աճի և գոնադոտրոպ հորմոնների թերարտադրությամբ։ Հասակի աճին և սեռական զարգացմանը նպաստում են նաև վահանագեղձը և մակերիկամների հորմոններն ու ենթատեսաթմբի ֆունկցիան: Գաճաճ է համարվում 130 սմ-ից ցածր տղամարդկանց և 120 սմ-ից ցածր կանանց հասակը։ Մանկական տարիքի գաճաճության պատճառները բավական շատ են։ Տարբերում են նանիզմի նախնական (պրեմորդիալ), ներզատական, ուղեղահիպոֆիզային, դիստրոֆիկ և խառը ձևերը։ Հիպոֆիզային գաճաճությանն ախտահատուկ է նանիզմի և սեռական ինֆանտիլիզմի համակցումը։ Ընդհանրապես գաճաճությունը կարող է լինել կմախքի բնականոն զարգացման, սնուցման, կենտրոնական նյարդային և ներզատական համակարգերի գործունեության, նյութափոխանակության պրոցեսների խանգարումների, ինչպես նաև վարակների և ինտոքսիկացիաների հետևանքով։ Պաթոգենեզը։ Հիպոֆիզային գաճաճության ամենահիմնական պատճառը հիպոֆիզում մշակվող և ներզատվող աճի հորմոնի խիստ պակասումն է և այդ հորմոնի հանդեպ ծայրամասային հյուսվածքների զգայունության անկումը։ Նման վիճակ կարող է զարգանալ ենթատեսաթումբն ախտահարող ուղեղի ցանկացած ուռուցք, վնասվածք կամ բորբոքում։ Կլինիկան։ Հիպոֆիզային գաճաճները մինչև 3 տարեկանը զարգանում են նորմալ, այնուհետև արգելակվում է ոսկրերի աճը և ոսկրացման գոտիները երկար ժամանակ մնում են բաց։ Բնորոշ է մարմնի մանկական համաչափությունն ու սեռական թերզարգացումը, մաշկի անժամանակ արտահայտվող կնճիռները։ Այո երեխաները մտավորապես լինում են նորմալ, իսկ սեռականապես ի վիճակի չեն բեղմնավորելու կամ հղիանալու։ Բացակայում են սեռական զարգացման երկրորդային նշանները, չափից ավելի փոքր են սեռական գեղձերը։ Աղջիկների արգանդը և կրծքագեղձերը գրեթե զարգացած չեն։ Ուռուցքի բացակայության դեպքում թրքական թամբի կողմից ռենտգենաբանական փոփոխություններ չեն լինում։ Ախտորոշելիս չպետք է անտեսել երեխայի նախածննդյան և ետծննդյան անամնեզը և կոնստիտուցիոնալ գործոնը։ Գրականության մեջ հիշատակվող, այսպես կոչվող, նախնական (պրիմորդիալ) նանիզմին բնորոշ էմիայն գաճաճությունը, առանց ներզատական համակարգի որևէ փոփոխության։ Թիրեոգենային բնույթի գաճաճներն ունեն կրետինիզմին և հիպոթիրեոզին բնորոշ ախտանիշներ։ Բուժումը։ Նշանակում են անաբոլիկ ստերոիդներ, թիրեոիդին, խորիոնային գոնադոտրոպին, սոմատոտրոպ կամ աճի հորմոն։ Վերջինիս 4 սրսկումից հետո արյան մեջ չէսթերացված ճարպաթթուների և կետոնային մարմնիկների ավելացումը վկայում է հորմոնի ակտիվ ազդեցության մասին։ Աճի հորմոնը պետք է նշանակել երկարատև՝ 1-2 տարի տևողությամբ։
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|