Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
In situ հիբրիդացման մեթոդի կիրառումը միզապարկի քաղցկեղի ախտորոշման մեջ
In situ հիբրիդացման մեթոդի կիրառումը միզապարկի քաղցկեղի ախտորոշման մեջ
ՈՒռուցքներում առաջացող գենային փոփոխությունները հայտնաբերելու նպատակով ժամանակակից օնկոմորֆոլոգիայում լայն կիրառություն է ստացել ֆլյուորեսցենտային in situ հիբրիդացման (FISH) և քրոմոգենային in situ հիբրիդացման (CISH) մեթոդները: In situ հիբրիդացման հիմքում ընկած է բջջային ԴՆԹ-ի և արհեստականորեն պատրաստված ԴՆԹ զոնդի միջև կայուն հիբրիդ առաջանալու հատկությունը: ԴՆԹ զոնդերը լինում են դրոշմված և դրա շնորհիվ հնարավոր է լինում նրանց հայտնաբերել: FISH մեթոդի դեպքում ԴՆԹ զոնդերը դրոշմված են լինում ֆլուորոքրոմով, և հիբրիդացման արդյունքները գնահատվում են լյումինեսցենտային մանրադիտակի միջոցով: CISH մեթոդի դեպքում ԴՆԹ զոնդերը դրոշմվում են քրոմոգենով, իսկ հիբրիդացման արդյունքները գնահատվում են լուսային մանրադիտակով: Հետազոտության նպատակն է միզապարկի փոփոխական բջջային քաղցկեղում HER2 գենի կարգավիճակի որոշումը և ամպլիֆիկացիայի ուժգնության վերլուծությունը տարբերակման տարբեր աստիճան ունեցող քաղցկեղներում: Հետազոտության նյութը և մեթոդները: Հետազոտման նյութ է հանդիսացել միզապարկի փոփոխական բջջային քաղցկեղը, որը վերցրվել է վիրահատության և տրանսուրետրալ ռեզեկցիայի միջոցով: Հետազոտման նյութն ուսումնասիրվել է միաժամանակ մորֆոլոգիական և ցիտոգենետիկ մեթոդներով: Քաղցկեղի մորֆոլոգիան ուսումնասիրելու համար պրեպարատները ներկվել են հեմոտոքսիլին էոզինով: Քաղցկեղային բջիջներում HER2 գենի կարգավիճակը որոշելու համար կիրառվել է CISH մեթոդը: Նյութի ֆիքսումը կատարվել 10%-անոց չեզոք, բուֆերային ֆորմալինով: Այնուհետև ստանդարտ եղանակով պատրաստվել է պարաֆինային բլոկներ: Քրոմոգենային in situ հիբրիդացումը կատարվել է «Zymed» ընկերության կողմից տրամադրված հավաքածուի (SPOT-Light HER2) միջոցով: Դենատուրացիան կատարվել է 95C ջերմաստիճանում 5 րոպեի ընթացքում, հիբրիդացումը կատարվել է 37C ջերմաստիճանում 12 ժամվա ընթացքում: Հիբրիդացման արդյունքները գնահատվել է լուսային մանրադիտակի միջոցով: Արդյունքները Միզապարկի առավել ցածր տարբերակում ունեցող քաղցկեղներում (G3) հայտնաբերվել է HER2 գենի ավելի ուժեղ ամպլիֆիկացիա: Եզրակացություն HER2 գենի ուժեղ ամպլիֆիկացիան վկայում է ուռուցքի առավել չարորակության մասին և HER2 գենի կարգավիճակի որոշումը կարող է հանդիսանալ միզապարկի փոփոխական բջջային քաղցկեղի պրոգնոստիկ գործոն:
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|