| Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Ինչպե՞ս կարելի է վերացնել պեպենները
Այս հարցը շատ-շատերին է հետաքրքրում: Պեպենների առաջացումը ցավագին են տանում երիտասարդ աղջիկները: Ավելի հասուն կանայք տարիների ընթացքում հարմարվում են, իսկ տղամարդիկ պարզապես այդ փոքիկ թերությունը չեն էլ նկատում:
Փորձենք հասկանալ, թե պեպեններն ինչու են առաջանում:
Պեպենները մաշկի պիգմենտավորման խանգարման հետևանք են: Դրանք մելանինի կուտակումներ են, որոնք առաջանում են մաշկի վերին ու խորը շերտերի սահմանում:
Ուլտրամանուշակագույն ճառագայթների ազդեցությամբ պեպեններն ավելի վառ գույն են ստանում: Իսկ աշուն-ձմեռ սեզոնին` նվազ նկատելի են կամ անհետանում են:
Նախ` փորձեք արևից հեռու լինել: Մաշկը պաշտպանելու նպատակով կարելի է կիրառել հատուկ պաշտպանական լոսյոններ ու քսուքներ:
Ով պեպենի հակում ունի, պետք է հետևի, որ իր օրաբաժնում անպայման С և РР վիտամիններ լինեն: Իսկ եթե այնուամենայնիվ չեք կարողացել խուսափել նման տհաճությունից, ապա կիրառեք սպիտակեցնող քսուքներ` հաշվի առնելով մաշկի տեսակը: Լավ արդյունք ստանալու համար հարկավոր է բամբակյա խծուծով կիտրոնի, թուրինջի կամ թթու կաղամբի հյութ քսել: Մինչ այդ հարկավոր է մաշկը խոնավացնել սովորական սենյակային ջերմաստիճանի ջրով:
Տնային պայմաններում կարելի է կաթնամթերքից դիմակ օգտագործել: Դրա համար հարկավոր է վերցնել կաթ ու վարսակաձավարի ալյուր: Կաթը գոլացնել 32-35 աստիճան, գդալի ծայրով ավելացնել բորակ: Վարսակաձավարի ալյուր պահանջվում է այնքան, որ ստացվի թթվասերի թանձրության:
Դիմակը քսել դեմքին, ապա կես ժամից լվացվել գոլ ջրով: Արդյունքը կերևա մի քանի անգամից:
Հրաշալի արդյունք է ստացվում թթված կաթի ու վարսակաձավարի ալյուրի խառնուրդով: Կրկին պետք է խառնուրդն ունենա թթվասերի խտություն: Այս միջոցը կիրառման առումով նույնպես շատ հարմար է: Դիմակը մաշկին թողնել 15 րոպե, ապա լվացվել գոլ ջրով:
Իսկ եթե չոր մաշկ ունեք, ապա պետք է յուղոտ կաթնաշոռը կամ կաթի սերուցքը խառնել կիտրոնահյութի հետ: !առնուրդը դեմքին պետք է պահել 40 րոպեից ոչ ավելի: Լավ սպիտակեցնող արդյունք է ստացվում 1 թեյի գդալ 18%-անոց կաթնաշոռի ու հում դեղնուցի խառնուրդով: Դեմքին պահել կես ժամ:
Իսկ ինչպե՞ս կարելի է պեպենները վերացնել մեղրի օգնությամբ. դրա համար մեկ թեյի գդալ մեղրը խառնել 3 թեյի գդալ կանթնաշոռի հետ, որը նաև սնուցող միջոց է:
Մաշկի վրա սպիտակեցնող ազդեցություն են ունենում վարունգի լոսյոնները, քսուքներն ու դիմակները: Յուղոտ մաշկի համար կարելի է այսպիսի միջոց պատրաստել. քերած վարունգի վրա լցնել օղի` 1:1 հարաբերությամբ ու թրջոցներ անել ամեն օր: Դեմքին պահել մեկ ժամից ոչ ավելի: Սպիտակեցման նպատակով շատ է կիրառվում ելակի կամ սև հաղարջի հյութը:
Միջոցները բազում են, ընտրությունը` միմիայն ձերը: Արժե՞ արդյոք վերացնել պեպենները, չէ՞ որ որոշ մարդկանց դրանք իսկապես հմայք են տալիս: Որոշումը ձերն է:
|
| Օրացույց | | « Մայիս 2024 » | | Երկ | Երք | Չոր | Հնգ | Ուրբ | Շաբ | Կիր | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
