| Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Ինչպես չափել ճնշու
 Պատասխանեք հետևյալ երեք ոչ բարդ հարցերին: Ձեզ մոտ առաջին անգա՞մ է բարձրացել արյան զարկերակային ճնշումը (ԶՃ): Հիպերտոնիկ հիվանդության բուժման համար որևէ դեղպատրաստուկ ընդունու՞մ եք: Ձեր 40 տարին լրացե՞լ է: Եթե այս հարցերից որևէ մեկին դրական եք պատասխանել, ապա անհրաժեշտ է կանոնավոր կերպով ստուգել ճնշումը:
ԶՃ-ի չափման ստույգ արդյունքը, որով մեծմասամբ պայմանավորված է ձեր առողջությունը, կարելի է ստանալ տնային պայմաններում, եթե դրան ճիշտ պատրաստվեք:
• Ցանկալի է, որ սենյակը լինի տաք և անաղմուկ:
• Ճնշումը հարկ է չափել քաղցած ժամանակ կամ էլ ուտելուց 1 ժամ հետո: ԶՃ-ն չափելուց 2 ժամ առաջ չի կարելի ծխել, առույգացնող ըմպելիքներ խմել: Ի դեպ, 1 հատ ծխած ծխախոտը կամ մեկ բաժակ սուրճը խեղաթյուրում է ԶՃ-ի իսկական պատկերը, ավելացնելով այն 10 մմ սնդ.սյ.-ով, իսկ լիքը միզապարկն էլ լրացուցիչ բարձրացնում է 30 մմ սնդ. սյ.-ով:
• Հարկ չկա ԶՃ-ն չափել ֆիզիկական ծանրաբեռնվածություններից անմիջապես հետո, եթե նույնիսկ ոչ թե վազել եք այլ արագ քայլել: Չափելուց առաջ հարկ է նստել, 15-20 րոպե հանգստանալ:
• Ճնշումը չափելիս խորհուրդ չի տրվում խոսել կամ շարժվել, այլապես սարքն այդ պահին կարող է 20 մմ սնդ.սյ.-ից ավելի ցույց տալ:
• Սարքի թևակապը հարկ է թևին համապատասխան ճիշտ փաթաթել:
• Նստեք ուղիղ, մեջքն աթոռին (կամ բազկաթոռին) հավասար, թուլացեք և ոտքերը մի խաչաձևեք:
• Ձեռքն ազատել հագուստից, այն պետք է դրված լինի սեղանին` արմունկն անշարժ:
• Թևակապից օդն ամբողջությամբ դուրս մղել:
• 2-3 րոպե անց ԶՃ-ն նորից չափել: Նոթատետրում գրանցեք ԶՃ-ի երկու չափումների միջին ցուցանիշները:
• Ճնշումն առաջին անգամ չափելիս հերթականությամբ երկու ձեռքերի վրա էլ անցկացրեք: Հետագայյում չափեք այն ձեռքի վրա, որը բարձր ցուցանիշ է տվել: Եթե երկու ձեռքերի վրա էլ նույն ցուցանիշն է, ապա հետագայում չափեք«չաշխատող»ձեռքի վրա (աջլիկներին` ձախը, ձախլիկներին` աջը):
|
| Օրացույց | | « Մայիս 2024 » | | Երկ | Երք | Չոր | Հնգ | Ուրբ | Շաբ | Կիր | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 |
|
|
