Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Ուրգենտ անմիզապահությունով և առանց նրա գերակտիվ միզապարկով հիվանդների մոտ կլինիկական և ուրոդինամիկ ց
Բանալի բառեր. անմիզապահություն, գերակտիվ միզապարկ Գերակտիվ միզապարկի (ԳՄ) հիմնական ախտանիշներն են համարվում հաճախացած միզարձակությունը, միզարձակության իմպերատիվ ճիգերը և ուրգենտ անմիզապահությունը: Վերջին ախտանիշը դիտվում է գերակտիվ միզապարկով հիվանդների 30–40%-ի մոտ և զգալիորեն ծանրացնում է հիվանդության կլինիկական ընթացքը: Տվյալ հետազոտության հիմնական նպատակն է կայացել ուրգենտ անմիզապահությունով և առանց նրա գերակտիվ միզապարկով հիվանդների մոտ հիմնական կլինիկական և ուրոդինամիկ ցուցանիշների համադրումը: Նյութերն ու մեթոդները:
Հետազոտվել են 54 գերակտիվ միզապարկով հիվանդներ, որոնցից 37-ը (68.5 %) կազմել են կանայք, իսկ 17-ը (31.5%)` տղամարդիկ: Գերակտիվ միզապարկի ախտանիշների արտահայտվածության գնահատման համար բոլոր հիվանդները լրացրել են միզարձակման օրագիր 3 օրվա ընթացքում: Ուրոդինամիկ հետա-զոտություններն անց են կացվել Դիագնոստիկա ԲՄ-ում` Dantec ուրոդինամիկ ապարատի միջոցով: Հիմնա-կան ուրոդինամիկ հետազոտությունը տվյալ դեպքում համարվել է ցիստոտոնոմետրիան: Բոլոր հիվանդներն բաժանվել են երկու խմբի` ուրգենտ անմիզապահության առկայությունից կախված: Առաջին խումբը կազմել են գերակտիվ միզապարկով հիվանդները առանց ուրգենտ անմիզապահության (n=31), իսկ երկրորդ խումբը` գերակտիվ միզապարկով հիվանդներ` զուգակցված ուրգենտ անմիզապահությամբ (n=26): Հետազոտության արդյունքները:
Հիվանդների տարիքային ակնհայտ տարբերություններ չեն նկատվել, այն դեպքում, երբ սեռական կազմն այս խմբերում պարզվեց, որ տարբեր է: Այսպես` տղամարդիկ գերազանցում են առաջին խմբում, կազմելով 18 հիվանդ (58.1%), իսկ երկրորդ խմբում կանայք` 19 հիվանդ (73.1%): Այս փաստը վկայում է այն մասին, որ գերակտիվ միզապարկով կանանց մոտ ուրգենտ անմիզապահությունն ավելի հաճախ է դիտվում քան տղամարդկանց մոտ: Միաժամանակ բոլոր հիվանդների անամնեստիկ տվյալներն ու այլ օրգան համակարգերի ուսումնասիրությունը ցույց տվեցին, որ երկրորդ խմբի հիվանդների մոտ հաճախ նկատվել են փորկապության դեպքեր: Հնարավոր է, որ փորկապությունները համարվում են գերակտիվ միզապարկի կլինի-կական պատկերի ծանրացնող գործոններից մեկը, որը կարող է բերել ուրգենտ անմիզապահության: Միզարձակման օրագրերի վերլուծությունը ցույց տվեց, որ ցերեկային և գիշերային միզարձակման ակտի հաճախականությունը հավաստիորեն չի տարբերվել երկու խմբի հիվանդների մոտ: Միաժամանակ իմպերատիվ ճիգերի հաճախականությունը, օրվա և գիշերվա ընթացքում, զգալիորեն առավել բարձր է երկրորդ խմբի հիվանդների մոտ: Ուրոդինամիկ հետազոտությունների համդրումը երկու խմբերում առանձնահատուկ բացարձակ տարբերություն չի հայտնաբերել: Դետրուզորի ակամա կծկումների հաճախականությունը պարզվեց, որ գործնականում միատեսակ է ինչպես առաջին խմբում (14 հիվանդներ` 45.2 %), այնպես էլ երկրորդում (11 հիվանդներ` 42.3%): Ինչպես նաև բացակայում էր տարբերությունը` լցման ծավալի ցուցանիշի առաջին և առավելագույն ակամ կծկման դեպքում, ներմիզապարկային ճնշման առաջին և առավելագույն ակամա կծկման, միզապարկի լցման ծավալի` առաջին նորմալ և ուժեղ ճիգերի դեպքում: Վերջաբան:
Հետազոտության ընթացքում ստացված արդյունքները ցույց տվեցին, որ գերակտիվ միզապարկով հիվանդների մոտ ուրգենտ անմիզապահությունից անկախ ուրոդինամիկ ցուցանիշները գործնականում միատեսակ են: Այս հանգամանքը անհրաժեշտ է նկատի ունենալ գերակտիվ միզապարկով հիվանդների հետազոտության տակտիկան պլանավորելիս:
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|