Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Շտապ միջոցառումները հեմոտամպոնադայով ուղեկցվող միզապարկի քաղցկեղի ժամանակ
Ինչպես հայտնի է միզապարկի ուռուցքների դեպքում շտապ բուժական միջամտություն պահանջող հիմնական ախտանշաններից է տարբեր արտահայտվածության արյունամիզությունը: Հիմնականում հիվանդների ուշ դիմելիության հետ կապված, հազվադեպ չեն պրոֆուզ արյունամիզության արդյունքում զարգացած միզապարկի հեմոտամպոնադաները: 2004-2007թթ. ՀՀ ԱՆ Ուռուցքաբանության ազգային կենտրոն են դիմել միզապարկի քաղցկեղ, արյունամիզություն, միզապարկի հեմոտամպոնադա ախտորոշմամբ 78 հիվանդներ: Բոլոր հիվանդների մոտ բուժական միջոցառումները սկսվել են կոնսերվատիվ եղանակից, մասնավորապես հեմոտամպոնադայի լիկվիդացիայի փորձ միզուկային կաթետերի օգնությամբ, արյունականգ, անհրաժեշտության դեպքում` նաև հեմոտրանսֆուզիոն բուժում: Նշված եղանակով հեմոտամպոնադայի լիկվիդացիա և արյունահոսության դադարեցում հնարավոր է եղել միայն 43 (55,1%) դեպքերում: Կոնսերվատիվ եղանակի անարդյունավետության դեպքում միզապարկի մակերեսային և ինվազիվ քաղցկեղով 31 հիվանդի (39,7%) կատարվել է հեմոտամպոնադայի էնդոսկոպիկ լիկվադացման փորձ տրանսուրեթրալ ռեզեկցիայով (ուռուցքի ամբողջական կամ մասնակի հեռացումով) և/կամ էլոկտրոկոագուլյացիոն հեմոստազ: 16 հիվանդի մոտ (20,5%) կոնսերվատիվ և էնդոսկոպիկ միջամտությունները եղել են անարդյունավետ: Նրանցից 5-ին (6,4%) կատարվել է ցիստոտոմիա, հեմոտամպոնադայի լիկվիդացիա, միզապարկի ռեզեկցիա: Նշված հիվանդները հետվիրահատական շրջանում անհրաժեշտության դեպքում ստացել են օժանդակ բուժում: Մնացած հիվանդներին նշված միջամտությունների անարդյունավետության (հիմնականում միզապարկի տոտալ ախտահարման) և հակացուցումների բացակայության դեպքում կատարվել է արմատական, իսկ T4NxMx, TxNxM1 փուլերում` փրկողական (salvage) ցիստէկտոմիա: Հարկ ենք համարում առանձին նշել, որ տոտալ ախտահարմամբ միզապարկի քաղցկեղ, մակրոհեմատուրիա, միզապարկի հեմոտամպոնադա ախտորոշմամբ հիվանդների էնդոսկոպիկ միջամտության անարդյունավետության և հակացուցումների բացակայության պայմաններում նույնիսկ մետասթատիկ տարածման ժամանակ ամոքիչ բուժման ընդունելի տարբերակ է համարվում salvage ցիստէկտոմիան, որը կասեցնելով շարունակվող արյունահոսությունը և վերականգնելով մեզի հոսքը, նպաստում է հիվանդների ընդհանուր վիճակի բարելավմանը և հնարավորություն ընձեռում քիմիա- ճառագայթային բուժման անցկացման համար:
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|