Սուր միզակապությունը շագանակագեղձի քաղցկեղի ժամանակ
Ներածություն Հաճախ սուր միզակապությունով հիվանդների մոտ առաջնակի ախտորոշվում է շագանակագեղձի քաղցկեղ (ՇՔ): Մեր ստացված տվյալներով մոտավորապես 30% հիվանդների մոտ ախտորոշվում է այդ թվում տեղային տարածված քաղցկեղ կամ նույնիսկ մետաստատիկ հիվանդություն: Տվյալ դեպքերում խնդիր է առաջանում դիֆերենցված մոտեցումներ չափարոշիչների վերաբերյալ: Այսինքն, ինչպիսի վիրահատական միջամտություն պետք է առաջարկել և թե ինչպիսի ժամանակաընթացքում: Վաղուց անցել են ժամանակները, երբ իբրև դերիվացիայի մեթոդ առաջարկվում էր առաջնակի էպիցիստոստոմիան, որովհետև նախևառաջ ստորին միզուղիների դրենավորումը վերցայլային խուղակով չի բերում վերին միզուղիների դրենավորման: Դա պայմանավորված է այն բանով, որ միզապարկի վզիկի, հետևապես միզածորանների բացվածքների ուռուցքային ինֆիլտրացիայի պատճառով, ինչպես նաև, երբեմն լիմֆադենոպաթիայի առկայության ներքո (որպես կանոն կոնքային անոթների մակարդակին) միզածորանները սեղմված են լինում: Բացի դրանից վերցայլքային անգամ կարճատև դերիվացիայի ժամանակ առաջանում է միզուկի պրոստատիկ հատվածի ուռուցքային օբլիտերացիա, որը իր հերթին լուրջ խնդիր է առաջացնում հնարավոր երկրորդային կատարվելիք միջմիզուկային մասնահատման համար, ինչպես նաև բերում է միզապարկի ֆունկցիոնալ տարողության պրոգրեսիվող անկման կամ ի վերջո միզապարկի կնճռոտման: Վերջինս կտրուկ վատացնում է հիվանդի կյանքի որակը` դժբախտաբար բերելով չհանգստացվող տենեզմաների: Այդուհանդերձ, նմանատիպ հիվանդների բուժման համար մեր կլինիկայում ստեղծվել է որոշակի ալգորիթմ:
Նյութերը և մեթոդները
Մեր հետազոտության մեջ ընդգրկվել են 38 հիվանդ, որոնց մոտ ախտորոշվել է շագանակագեղձի տեղային տարածված կամ մետաստատիկ քաղցկեղ և սուր միզակապություն: Քաղցկեղի վերջնական ախտորոշումը և փուլը որոշվել է նախօրոք կատարված տրանսռեկտալ դոպպլեր հսկողության ներքո կատարված բիոպսիայի և կոմպյուտերային տոմոգրաֆիայի միջոցով: 16 հիվանդի կատարվել է շագանակագեղձի միջմիզուկային մասնահատում: Մնացած 22 հիվանդի մոտ հակաանդրոգենային բուժման (վիրաբուժական կամ դեղորայքային կաստրացիա) և Ֆոլիի կաթետերով 1 ամիս ստորին միզուղիների դրենավորման արդյունքում միզարձակումը վերականգնվել է: Վերջինս մեր կողմից գնահատվում է ուրոֆլոումետրիայի միջոցով, և մենք համարում ենք օբստրուկցիայի վերացումը այն ժամանակ, երբ միզարձակման առավելագույն արագությունը ≥ 15 մլ/վրկ:
Արդյունքների վերլուծություն.
Մենք համարում ենք, որ միջմիզուկային մասնահատումը (ՄՄՄ) տեղային տարածված կամ մետաստատիկ քաղցկեղի դեպքում կարելի է կատարել ոչ ավելի շուտ, քան երբ ուռուցքային պրոցեսը գտնվում է հսկողության տակ: Որը գնահատվում է PSA – ի ոչ թե ելքային ցուցանիշներով, այլ հակաանդրոգենային բուժման ֆոնի վրա PSA – ի անկման արագությամբ: Ըստ մեր տվյալների մաքսիմալ անդրոգենային բլոկադայով բուժումից 1 ամիս անց PSA<1նգ/մլ - ից:
Ըստ մեր տվյալների հիվանդների 57.8% մոտ տարվող վերոհիշյալ բուժումների դեպքում և Ֆոլեյի կատետրի միջոցով միզապարկի դրենավորման ներքո 1 ամսվա ընթացքում առաջանում է ինքնուրույն միզարձակման հնարավորություն:
Եզրակացություն:
Տեղային տարածված կամ մետաստատիկ շագանակագեղձի քաղցկեղով և սուր միզակապությամբ ոչ բոլոր հիվանդներին է անհրաժեշտ կատարել միջմիզուկային մասնահատում: Բացի այդ միջմիզուկային մասնահատում պետք է կատարել միայն այն դեպքում, երբ ուռուցքային պրոցեսը գտնվում է հսկողության տակ:
|
