Վիճակագրություն |
Ընդամենը ակտիվ. 1 Հյուրեր. 1 Անդամներ. 0 |
|
Ստրիդոր բնածին
Երեխայի ծնվելու պահին կամ ծնվելուց անմիջապես հետո հայտնաբերվող հիվանդություների խումբ է, որոնց համար բնորոշ է սուլոցով և աղմկոտ շնչառությունը։ Նման խանգարված շնչառության պատճառները մի քանիսն են։ Սակայն գործնականում բնածին ստրիդորին են վերագրում կոկորդի աճառային հյուսվածքի կառուցվածքային թերզարգացումը և չափից ավելի փափուկ լինելը (շնչափողի արտաքին օղի զարգացման անկանոնություն): Մակկոկորդը փափուկ է, խողովակավոր կազմությամբ, որի շերեփանման ծալքերը մոտ են միմյանց և կարծես գոյացնում են ձգված առագաստներ, որոնք շնչելիս ներքաշվում են կոկորդի լուսանցքը և նեղացնում այն։ Հիվանդությունն արտահայտվում է ներշնչման աղմուկով։ Աղմուկի ուժգնությունը թուլանում է քնած ժամանակ և, ընդհակառակը՝ ուժեղանում է գրգռված ժամանակ, հազալու, ճչալու դեպքում։ Ստրիդորն ուժեղանում է նաև, երբ երեխան պառկած է մեջքի վրա և, ընդհակառակը՝ թուլանում է որովայնի վրա պառկած դիրքում։ Կապտուկը բացակայում է։ Երեխայի ընդհանուր վիճակը չի խանգարվում, զանգվածի ավելացումը նորմալ է ընթանում։ Բնածին ստրիդորի այս ձևն անհրաժեշտ է տարբերակել կոկորդի բնածին սպիներից, ենթակապային բնածին նեղացումից, ինչպես նաև կիստաներից և կոկորդի նորագոյացություններից։ Ստրիդորի երևույթները սովորաբար 6 ամսականում թուլանում են, իսկ 23 տարեկանում՝ լրիվ վերանում։ Այս հիվանդությունը բուժում չի պահանջում։
|
Օրացույց | « Մայիս 2024 » | Երկ | Երք | Չոր | Հնգ | Ուրբ | Շաբ | Կիր | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|